Agorrilaren 10
BEZPERAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Alleluia.
Goratzarrea
NOR DIRA ETA NONDIK DATOZ?
Nor dira eta / nondik datoz,
zuriz jantzirik / ditugunok?
Jantzi ederrez, / palma-adarrez / datozenok
egonak dira / oinaze-neke / saminetan.
Soin ta soineko / xahutu dituzte / ta apaindu
Jainko-Bildotsak / isuri-odol / oparotan.
Nor dira eta / nondik datoz,
zuriz jantzirik / ditugunok?
Gose zirenok / ez dira inoiz / gosetuko,
egarri izanok / ez dute izango / egarririk.
Ur biziz ditu / Jainko-Bildotsak / ase-bete,
Kristogan hilik / Kristogan daude / berpizturik.
Nor dira eta / nondik datoz,
zuriz jantzirik / ditugunok?
Negar-herritik / iritxi dira / poz-lekura,
martiritzatik / atsedenera / dira heldu.
Bere eskuz die / Jaunak txukatzen / malko oro,
Kristo ikusteak / egiten ditu / zoriontsu.
Nor dira eta / nondik datoz,
zuriz jantzirik / ditugunok?
Salmoak
1
Ant. Lorentzo dohatsuak martiritza jasan eban, eta autormen
egin eutson Jesu Kristo gure Jaunaren izenari.
114 Salmoa
Maite dot
Jauna, entzun dau-ta
nire eskariaren oihartzuna.
Bihurtu dau-ta nigana belarria,
dei egin deutsadan egunean.
Heriotza-lokarriek
inguratu ninduen,
Lezako hedeak ganeratu jatazan,
nahigabe ta larrialdian jausi
nintzan.
Deitu neban Jaunaren izena:
«Atara naizu bizirik, Jauna».
Onbera da
Jauna ta zintzoa,
errukitsua gure Jainkoa.
Jaunak gizajoak zaintzen ditu,
dohakabe nintzan
eta salbau nindun.
Ene gogoa,
bihurtu zaitez atsedenera,
Jaunak onez bete zaitu-ta.
Atara dau-ta nire bizia heriotzatik,
begiok malkotik, oinok jaustetik.
Ibiliko naz
Jaunaren aurrean,
bizien lurrean.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant.
Lorentzo dohatsuak martiritza jasan eban, eta autormen
egin eutson Jesu Kristo gure Jaunaren izenari.
2 Ant. Lorentzo
dohatsuak holan egin eban oihu: Pozaren pozez nago, Kristoren opari egin nazalako.
115 Salmoa
«Ni bai
dohakabe» ninoan arren,
baneukan itxaropen.
Hauxe esan neban nire larrialdian:
«Gizaki guztiak dira guzurtiak».
Zer bihurtuko
deutsat Jaunari,
emon deustazan guztiekaitik?
Salbazino-edontzia dot hartuko,
eta Jaunaren izena deituko.
Emongo
deutsadaz Jaunari
zin egindakoak,
herri guztia begira dagoala.
Jaunaren
begietan balio handikoa
Haren zintzoen heriotza.
Zure morroi nozu ni, Jauna,
zure morroi eta
zure neskamearen semea,
askatu dozuz nire kateak.
Eskeiniko
deutsut gorets-oparia,
deituko dot, Jauna, zure izena.
Emongo deutsadaz Jaunari
zin egindakoak,
herri guztia begira dagoala.
Jaunaren etxeko atarian,
Jerusalem, zure erdian.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Lorentzo
dohatsuak holan egin eban oihu: Pozaren pozez nago, Kristoren opari egin nazalako.
3 Ant. Eskerrak
Zuri, Jesu Kristo Jauna, zure etxean hartu nozulako.
Kantika: Apk 4, 11; 5, 9-10. 12
Aintza, ospea
ta agintaritza
hartzeko bazara nor,
Jauna, gure Jainkoa;
Zeuk eginak dira-ta diran guztiak,
zure gura-izatez dira eginak.
Liburua
hartzeko eta siluak urratzeko
bazara nor,
hila izan zara-ta,
eta zure odolaz erosi dituzu
Jainkoarentzat gizakiak,
leinu eta hizkuntza,
herri eta enda guztietakoak;
eta
abade-erreinu egin dituzu
gure Jainkoarentzat,
eta errege izango dira lurrean.
Indarra ta
aberastasuna,
jakituria ta ahalmena,
ospea, aintza ta gorespena
hartzeko bada nor
hila izan dan Bildotsa.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Eskerrak
Zuri, Jesu Kristo Jauna, zure etxean hartu nozulako.
Jainkoaren hitza
1 Pe 4, 13-14
Poztu zaiteze, nekeetan Kristoren lagun
zareenean; Haren aintza agertu daitenean ere, pozez gainezka egon zaitezen.
Zorionekoak zuek, kristinau izateagaitik madarikatzen bazaitue; horrek
aintzaren Espiritua, Jainkoaren Espiritua, zeuengan dagoala esan gura dau-ta.
Galderantzuna
V/.
Aztertu gaituzu gure Jainko, * baina emon deuskuzu atsedena.
R/.
Aztertu gaituzu gure Jainko, * baina emon deuskuzu atsedena.
V/. Sutan
aztertu gaituzu zilararen antzera.
R/.
Baina emon deuskuzu atsedena.
V/.
Aintza Aitari eta Semeari eta Espiritu Santuari.
R/. Aztertu
gaituzu gure Jainko, * baina emon deuskuzu atsedena.
Magn. ant. Lorentzo dohatsuak holan esan eban: Nire gauak ez dau
ilunik, guztia dago argitan.
Lk 1,
46-55
Handiesten dau
nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu
deituko nabe gaurtik gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren
indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Lorentzo
dohatsuak holan esan eban: Nire gauak ez dau ilunik, guztia dago argitan.
Eskariak
Martiri erregeak, azken-afarian bere bizia eskeini eta kurutzean emon eban ordu
berean, eskerrak emon deioguzan Berari, esanez:
Goresten
zaitugu, Jauna.
—Gure Salbatzaile, martiri guztien lehenengo eta eredu, azkeneraino maitatu
gaituzulako: Goresten zaitugu, Jauna.
—Pekatari guztiak damura eta bizitzaren sarira deitzen dituzulako: Goresten
zaitugu, Jauna.
—Itun barri eta betikoaren odola, pekatuen parkamenerako isuria, Eleizaren
eskuetan jarri dozulako: Goresten zaitugu, Jauna.
—Egun honetan zure graziari esker sinismenean iraun dogulako: Goresten
zaitugu, Jauna.
—Gaur gure senide asko zure heriotzan bat egin dituzulako: Goresten zaitugu,
Jauna.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Zure
maitasunaren garrak, Jauna, zure zerbitzari leial eta martiri ospetsu egin eban
Lorentzo diakonu santua; egizu, maitatu daigula harek maite ebana, eta bete dakiguzala
harek irakatsiak. Zure Seme Jesu
Kristo gure Jaunaren bitartez, Zurekin eta Espiritu Santuarekin batean Jainko
eta errege bizi da-ta gizaldi ta gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
