Zemendiaren 9
BEZPERAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Alleluia.
Goratzarrea
Ez
dugu baztertuko giltz-harria.
R/. Ez dugu baztertuko
giltz-harria.
Zu oinarri
eraikiko dugu hiria.
Hiri bat denontzat,
aterpe bera denok,
mundua beteko mahai bat,
ogi bat-bera janari,
maitasun-hizkuntza guztiena:
horra gure itxaropena.
Zatoz, Jesus Jauna! R/.
Badatoz bidean gora
munduko leinuak,
hirira datoz.
Beren hizkuntzetan
batasuna dute hotsegiten.
Ez da inor ari:
«Nor haiz? Nungoa?»
Guztiak bait dira pake-seme. R/.
Salmoak
1
Ant. Goi-goikoaren bizilekua guztiz santua da; Jainkoa
dauka haren erdian, ez da kolokatuko.
45 Salmoa
Jainkoa dogu
gordeleku eta indar,
Berak urten deusku estualdian
laguntzaile bizkor.
Horregaitik ez gara bildurtuko
lurrak badau dardar egiten,
nahiz mendiak badira
itsas-erdira jausten.
Harrotu, apartu beitez hango urak,
dardar egin beie
haren hasarrez mendiek.
Gudari-taldeen
Jauna gurekin,
Jakoben Jainkoa
gaztelu sendo gurekin.
Ibai-besangek
alaitzen dabe Jainko-uria,
Goi-goikoaren
bizileku guztiz santua.
Jainkoa dauka erdian,
ez da kolokatuko,
argi-txintarekin
Jainkoak deutso lagunduko.
Atzerriek deadar egin dabe,
erreinuek zalaparta,
Haren berba-hotsez lurrak ikara.
Gudari-taldeen
Jauna gurekin,
Jakoben Jainkoa
gaztelu sendo gurekin.
Zatoze ta ikusi
Jaunak eginak,
lurrean egiten dauzan harrigarriak:
Harek geldituazoten dauz
guduak lurrean alderik alde,
uztaiak xehatu, lantzak apurtu,
babeskiak kiskaldu.
«Geldi hor!
Jakin eizue
Jainkoa nazala Ni,
atzerrien gain
eta lurraren gain nagusi».
Gudari-taldeen
Jauna gurekin,
Jakoben Jainkoa
gaztelu sendo gurekin.
Aintza
Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Goi-goikoaren
bizilekua guztiz santua da; Jainkoa dauka haren erdian, ez da kolokatuko.
2
Ant. Bagoaz
pozik Jaunaren etxera.
121 Salmoa
Ha
bai poza nirea, esan eustenean:
«Bagoaz Jaunaren etxera».
Oraintxe heldu dira gure oinak,
Jerusalem, zure atarira.
Jerusalen
uri lez da jasoa.
dan-dana batean batua.
Leinuak, Jaunaren leinuak,
bertara igoten dabe,
Israelen lege danez
Jaunaren izena ospatzera.
Bertan dago ipinita auzi-mahaia,
Davideneko mahaia.
Eskatu
eizuez Jerusalementzat
bakerako diranak:
«Lasai bizi bitez
Zu maite zaituenak.
Izan bedi bake zure harresietan,
lasaitasun zure jauregietan».
Nire
anaien eta lagunen aldera,
hauxe dinot: «bakea zurekin».
Jaunaren, gure Jainkoaren, etxea
maite dodalako,
ondasunak opa ditut zuretzako.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Bagoaz
pozik Jaunaren etxera.
3 Ant. Goretsi eizue gure Jainkoa Haren santu guztiok.
Kantika
(Ikus Apk 19, 1-7)
Alleluia.
Salbamena, aintza ta indarra gure Jainkoarenak:
(R/. Alleluia)
Haren
epaiak egiazkoak eta zuzenak
R/. Alleluia. (Alleluia)
Alleluia.
Goretsi eizue gure Jainkoa Haren morroi guztiok,
(R/. Alleluia)
txiki
eta handi, Haren bildur zarienok.
R/. Alleluia. (Alleluia)
Alleluia.
Errege izaten hasia da-ta Jauna,
(R/. Alleluia)
gure
Jainko aalguztiduna.
R/. Alleluia. (Alleluia)
Alleluia.
Poztu gaitezan eta alaitu,
(R/. Alleluia)
Bera
daigun goratu.
R/. Alleluia. (Alleluia)
Alleluia.
Heldu dira-ta bildotsaren ezteguak:
(R/. Alleluia)
horra
apaindurik Haren emaztegaia.
R/. Alleluia. (Alleluia)
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Goretsi eizue gure Jainkoa Haren santu guztiok.
Jainkoaren hitza
Apk 21, 2-3. 22. 27
Uri santua ikusi neban —Jerusalem barria—, bere
senargaiarentzat apaindutako andregaia lez, zerutik Jainkoagandik jatsiten. Eta
oihu handi bat entzun neban aulkitik: Hona hemen, Jainkoaren txabolea gizakien
artean; hareen artean bizi izango da. Hareek bere herri izango ditu; eta Jainkoa
eurekaz izango da. Ez neban han jauretxerik ikusi; Jauna, Jainko ahalguztiduna,
eta Bildotsa dau bere jauretxe. Han ez da sartuko ezer garbi ez danik, ez
sasi-jainko-zalerik, ez guzurtirik; Bildotsaren bizien liburuan euren izena
idatzirik daukenak baino ez.
Galderantzuna
V/. Bai
dohatsu, Jauna, * zure etxean bizi diranak!
R/. Bai
dohatsu, Jauna, * zure etxean bizi diranak!
V/. Jaunak
bere oinorde hautatu zaitue.
R/. Zure
etxean bizi diranak!
V/. Aintza Aitari
eta Semeari eta Espiritu Santuari.
R/. Bai
dohatsu, Jauna, * zure etxean bizi diranak!
Magn. ant. Jaunak santu egin dau bere etxea; hauxe
da Jainkoaren etxea; hementxe egingo jako dei Haren izenari, honexetaz esan dozu-ta:
Hortxe izango da nire izena —dino Jaunak—.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Jaunak
santu egin dau bere etxea; hauxe da Jainkoaren etxea; hementxe egingo jako dei Haren
izenari, honexetaz esan dozu-ta: Hortxe izango da nire izena —dino Jaunak—.
Eskariak
Bihotzez eskatu deiogun
gure Salbatzaileari, Jainkoaren seme banatuak batean batzeko bere bizia emon ebanari:
Izan gogoan,
Jauna, zure Eleizea.
—Jesus Jauna, zure etxea harriaren ganean jaso
nahi izan dozu: * indartu eizu zure Eleizea, sinismenean eta itxaropenean.
—Jesus Jauna, zure saihetsetik ura eta
odola isuri zendun: * barritu eizu zure Eleizea itun barri eta betikoaren
sakramentuez.
—Jesus Jauna, zure izenean batzen diranen
erdian zarana, * entzun batuta dagoan zure Eleizearen otoitza.
—Jesus Jauna, maite zaituenen bihotzetan
Aitagaz batera bizi zarana, * hobetu eizu zure Eleizea maitasunean.
—Jesus Jauna, Zugana datorrenik inor ez dozu
kanpora bialtzen: * hartu eizuz hildako guztiak Aitaren etxean.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko
Jauna, harri biziz eta bereziz jasoten dozu zure aintzaren betiko etxea;
emoiozuz ugari zure Eleizeari Espiritu Santuaren dohaiak, zure herria Kristoren
gorputz lez hazi daiten, eta egunen baten Jerusalem barria izatera heldu. Zure
Seme Jesu Kristo gure Jaunaren bitartez, Zurekin eta
Espiritu Santuarekin batean Jainko eta errege bizi da-eta gizaldi eta
gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
