Gabonilaren 3
BEZPERAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Alleluia.
Goratzarrea
Buru zera,
Kristo, / artzainen Errege:
herriak osoan, / festa-giro argiz,
zure apaizaren / aintza du kantagai
eresietan.
Zure Espirituaz
/ krisma ugaritan
barne igurtzia / emanez, Zuk duzu
egin Elizako / gudari ta buru
zure herrian.
Artzain zuen
eta / neurri artaldeak,
itsuak argi ta / lagun behartsuak,
aita zuten denek, / eta denek hura
berena zuten.
Haren lana
sariz / ordaintzen duzuna,
haren jarraitzaile / egin gaitzazula;
eta gero eman / haren ikasleoi
zure zerua.
Salmoak
1 Ant. Ebanjelioaren
zerbitzari egina izan naz ni, Jainkoak emon deustan graziaz.
14 Salmoa
Jauna, nor dagoke zure txabolan?
Nor bizi daiteke
zure mendi santuan?
Akatsik barik eta zintzo dabilana,
bere artean egia dinoana;
mihinez inor bezten ez dauana,
hurkoari txarrik egiten ez deutsona,
auzokoa lotsagarri izten ez dauana;
gaiztoari esker txarra emoten
deutsona,
Jainko-bildur dana
ospatzen dauana;
bere kaltetan zin eginik ere
aldatzen ez dana,
dirua irabazitan emoten ez dauana,
erru bakoaren aurka
eskupekorik hartzen ez dauana.
Honeek egiten dituana,
ez da kolokatuko sekulan.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Ebanjelioaren zerbitzari egina izan naz ni, Jainkoak emon deustan graziaz.
2
Ant. Guztia
Ebanjelioagaitik egiten dot, barri on horretan neuk ere parte izan daidan.
111 Salmoa
Dohatsu, Jaunaren bildur dan
gizona,
Haren aginduak oso maite dituana.
Ahaltsu izango da lurrean haren hazia,
zintzoen ondorengoa onetsia.
Haren etxean onak eta ondasunak,
beti iraungo dau haren zabaltasunak.
Zintzoentzat ilunpetan argia lez sortzen da:
onbera da, errukitsua ta zuzena.
Zorionekoa, errukitu eta emon
egiten dauan gizona,
bere gauzak
zuzen atontzen dituana.
Ez da koloka ibiliko behin ere,
haretaz gogoratzeak iraungo dau beti ere.
Barri txarrak ez dau bildurtzen,
bizkor dau bihotza
Jaunagan itxaroten.
Sendo dauka bihotza, bildurrik barik,
bere etsaiak lotsaz ikusi arte.
Zabaltzen deutse eta emoten
behartsuei,
beti irautekoa da
haren esku-zabala,
ospez jagiko da haren ahalmena.
Hau ikusiz gaiztoa sumindu egingo
da,
haginen karraskaz agortuko,
gaiztoen guraria ez da jazoko.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Guztia
Ebanjelioagaitik egiten dot, barri on horretan neuk ere parte izan daidan.
3 Ant. Niri grazia hau emon jat: Kristoren neurribako
aberastasunak jentilen artean aldarrikatzea.
Kantika: Apk 15, 3-4
Jauna, Jainko ahalguztiduna,
Handiak eta harrigarriak dira
Zuk eginak!
Atzerrien errege,
zuzenak eta egiazkoak
zure bideak!
Nor ez da izango zure bildur,
Jauna?
Nork ez dau goretsiko zure izena?
Zeu baino ez zara-ta santua!
Atzerriak etorri eta zure aurrean
ahuspeztuko dira,
zure erabagiak zuzenak
agertu dira-ta.
Aintza Aitari eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Niri grazia hau emon jat: Kristoren neurribako
aberastasunak jentilen artean aldarrikatzea.
Jainkoaren hitza
Ef 4, 11-13
Senideok: Nire odola isurtzeko zorian nago ni; nireak
laster egingo dau. Burruka ona egin dot, ibilaldia amaitu dot, gorde dot
sinismena. Orain prestaturik dago niretzat zuzentasunaren koroia; Jaunak, epaile
zuzenak, egun haretan emongo deustana; eta niri ez-eze, baita Haren etorrerea
maite daben guztiei ere.
Galderantzuna
V/. Neretzat,
bizi izatea Kristo da; * eta hiltea, irabazia.
R/. Neretzat,
bizi izatea Kristo da; * eta hiltea, irabazia.
V/. Haren
mirariak herri guztietan.
R/. Eta
hiltea, irabazia.
V/. Aintza
Aitari eta Semeari eta Espiritu Santuari.
R/. Neretzat,
bizi izatea Kristo da; * eta hiltea, irabazia.
Magn. ant. Eskerrak Zuri, Aita, zure Seme Jesu
Kristoren bitartez, Bera da-ta gure salbazinoa, bizia eta biztuerea; Berak
salbau gaitu eta askatu.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Eskerrak Zuri, Aita, zure Seme Jesu Kristoren
bitartez, Bera da-ta gure salbazinoa, bizia eta biztuerea; Berak salbau gaitu
eta askatu.
Eskariak
Harrigarria
agertzen jaku Jainkoa bere santuetan. Egin deiogun otoitz San Frantziskoren
eguna pozez ospatzean, eta esan deiogun:
Entzun, Jauna, gure eskariak.
—San
Frantziskori zure aita-errukiaren zentzua hain biziki ezarri zeutsan Jainkoa, *
emoiguzu guri ere Zugan sendo sinistea beti eta Zugan itxarotea seme-alaba lez.
—San
Frantziskori zure Semearen Ebanjelioa zabaltzeko halako garra emon zeutsan
Jainkoa, * emoiguzu guri ere apostolutza-grina bera.
—San
Frantziskori herriak eskolatzeko eroanpen neurribakoa emon zeutsan Jainkoa, *
egin gaizuz zure hitzaren iragarle zintzoak.
—Herrialde
eta maila guztietako gizakiei zure Semearen apostoluen bitartez egiaren bidea
zabaldu zeutsen Jainkoa, * egizu, danek ezagutu zaiezala Zu, egiazko Jainkoa,
eta Jesu Kristo, Zuk bialdu zenduana.
—Zure
Semeak gizadi osoarentzat bere odola emotea nahi izan zendun Jainkoa, * hartu eizuz
Zurekin bihotz onez, hildako gure senide guztiak.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko
Jauna, Xabierko Frantzisko abade santuaren hitzaldiez, herrialde asko ekarri
zenduzan Zeugana; egizu, sinismena zabaltzeko gogo biziak sutu daizala
fededunen bihotzak, eta Eleizea seme-alaba barriak izateaz poztu daitela. Zure
Seme Jesu Kristo gure Jaunaren bitartez, Zurekin eta
Espiritu Santuarekin batean Jainko eta errege bizi da-eta gizaldi eta
gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
