Begoñako Ama Maria Birjina

Urriaren 11

BEZPERAK

Agurra

V/. Zatozkit lagun, ene Jainko.
R/. Jauna, zatoz laster ni laguntzera.

V/.  Aintza Aitari eta Semeari,
        eta Espiritu Santuari.
        Lehen lez, orain eta beti,
        eta amaibako egunetan. Amen. Alleluia.

Goratzarrea

AMA ZERA TA BIRJINA

Ama zera ta Birjina,
Jesusen Ama Maria;
agur Zuri, agur ta erdi,
sortzetik garbi-garbia.

Egilearen alaba,
ama zaitu Egileak:
zure sabela izan du
sorleku Jainko-Semeak.

Espiritu Santuaren
egitez sortu zenduan:
geroztik dago gurekin
Jainko-Semea munduan.

Jesus sortzean, Harekin
gu ere sortu gintuzun:
ama zaitugu; Jesusek
gurutzetik esan zigun.

Zaitzagun mundu beltzean
gure begientzat izar;
zaitzagun mundu gaiztoan
gure bihotzentzat indar.

Aintza Jaungoiko Aitari,
aintza Seme Jainkoari,
aintza, biokin batean,
Espiritu Santuari. Amen.

 

 Salmoak

1 Ant. Hasieran, gizaldiak baino lehenagotik sortu ninduan ni, eta inoiz ere ez dot amairik izango.

Sal 121

Ha bai poza nirea, esan eustenean:
      «Bagoaz Jaunaren etxera».
      Oraintxe heldu dira gure oinak,
      Jerusalem, zure atarira.

Jerusalen uri lez da jasoa.
      dan-dana batean batua.
      Leinuak, Jaunaren leinuak,
      bertara igoten dabe,
      Israelen lege danez
      Jaunaren izena ospatzera.
      Bertan dago ipinita auzi-mahaia,
      Davideneko mahaia.

Eskatu eizuez Jerusalementzat
      bakerako diranak:
      «Lasai bizi bitez
      Zu maite zaituenak.
      Izan bedi bake zure harresietan,
      lasaitasun zure jauregietan».

Nire anaien eta lagunen aldera,
      hauxe dinot: «bakea zurekin».
      Jaunaren, gure Jainkoaren, etxea
      maite dodalako,
      ondasunak opa ditut zuretzako.

 Aintza Aitari eta Semeari,
    eta Espiritu Santuari.
    Lehen lez, orain eta beti,
    eta amaibako egunetan. Amen. 

Ant. Hasieran, gizaldiak baino lehenagotik sortu ninduan ni, eta inoiz ere ez dot amairik izango.

 

2 Ant. Uri santuan emon deust atseden, eta Jerusalemen dago nire agintaritza.

126  Salmoa

Etxea Jaunak ez bada jasoa,
      etxegileek alperrik dihardue.
      Jaunak zaintzen ez badau uria,
      uri-zainak alperrik dihardu.

Alperrik jatzue argitu barik jagitea,
      berandu ohean etzun
      eta neke-ogia jatea:
      Jaunak emoten deutse-ta ogia
      bere maiteei, lo dagozala!

Hain zuzen,
      Jainkoaren dohai dira seme-alabak,
      sari dira sabel seme-alabak.
      Gudari-eskuan gezia lez,
      gazte aroko semeak hala.

Dohatsu, gezi-ontzia
      hareekin bete daikena,
      ezin daiteke lotsatu etsaiekin
      atean auzitan diharduala.

Aintza Aitari eta Semeari
      eta Espiritu Santuari.
      Lehen lez orain eta beti
      eta amaibako egunetan. Amen. 

Ant. Uri santuan emon deust atseden, eta Jerusalemen dago nire agintaritza.

 

3 Ant. Izen handiko herrian bota dodaz sustraiak, Jaunaren ondarean, Haren lurrean.

         Kantika Ef 1, 3-10

Bedeinkatua izan bedi Jainkoa,
      Jesu Kristo gure Jaunaren Aita,
      Espirituaren era guztietako
      bedeinkapenez,
      zeruan Kristogan
      bedeinkatu gaituana.

Harengan aukeratu ginduzan-eta,
      mundua sortu baino lehen,
      bere aurrean, maitasunez,
      santu eta errugabe izan gaitezan.

Aurrez aukeratu ginduzan
      bere seme-alaba-orde izateko,
      Jesu Kristoren bidez,
      bere nahiaren onberatasunez;
      bere Seme maiteagan
      hain ugari emon deuskun
      graziaren aintzak
      Bera gorespenez bete daian.

Seme honengan,
      bere odolaz dogu erospena,
      eta pekatuen parkamena;
      halakoa izan da
      Haren grazia-aberastasuna.
      Oparo isuri deusku-ta bere grazia
      ezaguera osoz eta jakituriaz:

bere nahiaren misterioa
      ezagutuazo deusku,
      bere onginahiez erabagita eukana,
      garaia etortean beteko ebana.
      Zeruko eta lurreko gauza guztiak
      Kristogan batuko dituala,
      Berau buru dala.

Aintza Aitari eta Semeari
      eta Espiritu Santuari.
      Lehen lez orain eta beti
     eta amaibako egunetan. Amen. 

Ant. Izen handiko herrian bota dodaz sustraiak, Jaunaren ondarean, Haren lurrean. 

 

Jainkoaren hitza

St 5, 16b-18

      Nik, Joanek, zeru barri bat eta lur barri bat ikusi nebazan; lehengo zerua eta lehengo lurra joanak ziran; eta itsasorik ere ez egoan. Uri santua ikusi neban —Jerusalem barria—, bere senargaiarentzat apaindutako andragaia lez, zerutik Jainkoagandik jatsiten.

 

Galderantzuna 

V/. Hona hemen, Jainkoaren txabolea gizakien artean; * euren artean bizi izango da Jainkoa.
R/. Hona hemen, Jainkoaren txabolea gizakien artean; * euren artean bizi izango da Jainkoa.

V/. Hareik bere herri izango ditu.
R/. Euren artean bizi izango da Jainkoa. 

V/. Aintza Aitari eta Semeari eta Espiritu Santuari.
R/. Hona hemen, Jainkoaren txabolea gizakien artean; * euren artean bizi izango da Jainkoa.
 

Magn. ant. Maria Birjina donea, zeu zara parkamenaren iturburua; zeu zara graziaren eta maitasun ederraren ama; zeu munduaren itxaropena eta zeruko erregina: entzun zure seme-alabon deia.

Lk 1, 46-55

Handiesten dau nire arimak Jauna,
   pozaren pozez daukat nire barrua;
   Jainkoa da-ta nire salbamena,
   ikusi dau-ta mirabe honen ezereztasuna.

Dohatsu deituko nabe gaurtik gizaldi guztiek,
   handiak egin deustaz-eta Ahalguztidunak:
   Santua da Haren izena,
   eta Haren errukia, gizaldiz-gizaldi †
   bildur deutsoenengana.

Bere besoaren indarra erabili dau,
   buru harroak triskatu dauz;
   bota dauz euren aulkitik handikiak,
   eta gora jaso dauz ezerezak;
   ondasunez bete dauz gosez egozanak
   eta esku hutsik bialdu asko eukenak.

 Aintza Aitari eta Semeari,
    eta Espiritu Santuari.
    Lehen lez, orain eta beti,
    eta amaibako egunetan. Amen.

Ant. Maria Birjina donea, zeu zara parkamenaren iturburua; zeu zara graziaren eta maitasun ederraren ama; zeu munduaren itxaropena eta zeruko erregina: entzun zure seme-alabon deia.

 

Eskariak

      Goretsi daigun Jainkoa, Aita ahalguztiduna, eta Maria, Haren Semearen ama, gizaldi guztiek goraldu eiela gura izan dau-ta, egin deiogun otoitz, esanez:

Egin bei otoitz gure alde graziaz beteak.

      —Maria errukizko Ama egin dozun Jauna, * izan daikegula Haren laguntza, arriskuetan aurkitzen garanean.

      —Mariari Jesusen eta Joseren etxean ama izateko eginkizuna emon zeutsan Jauna, * egizu, ama guztiak, Harek lagunduta, euren etxeetan maitasuna eta santutasuna gehitzen ahalegindu daitezala.

      —Maria kurutze-ondoan kemenez, eta Semearen biztueran pozez bete zenduan Jauna, * nahigabe eta nekepean bizi diranak poztu eizuz eta bete itxaropenez.

      —Maria zure hitzarentzat esaneko eta zure mirabe zintzo egin zenduan Jauna, * Ha bitarteko dogula, egin gaizuz zure zerbitzari zintzo eta ikasle on.

 

Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.

 
Otoitza

      Jainko Jauna, zure Seme maitearen Ama Begoñakoa deiturapean erregutzen dauan gure herriaren ama eta zaindari egin dozu; egizu, haren babespean bizi izan eta poztu gaitezala bake iraunkorrean. Zure Seme Jesu Kristo gure Jaunaren bitartez, Zurekin eta Espiritu Santuarekin batean Jainko eta errege bizi da-eta gizaldi eta gizaldietan.

Amaierea

V/. Jauna zuekin.
R/. Eta zure Espirituarekin

V/. Bedeinkatu zaizela Jainko ahalguztidunak:
      Aitak eta Semeak eta Espiritu Santuak.
R/. Amen.

V/. Zoaze Jaunaren bakean.
R/. Eskerrak Jainkoari.