Epailaren 25
I. BEZPERAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Alleluia.
Goratzarrea
AGUR,
JAINKOAREN AMA
Agur, Jainkoaren
Ama maite ederra
zeruko atea,
itsasoko izarra.
Gabrielen ahoz
Ave» pozgarria;
geroztik zaitugu
zu «Eva» berria.
Eva-ren izena
aldatua duzu,
eta Jaunarekin
baketu gaituzu.
Pekatu-kateak
hautsi, arren, guri,
gaitzak kendu eta
grazia isuri.
Erakus ezazu
ama zaitugula;
Semeak zugatik
entzun dezaigula.
Birjina ta ama
denen gain eztia:
Emaiguzu bihotz
apal ta garbia.
Jesus bedi gure
bizi ta bidea,
azken-poza dadin
Hura ikustea.
Aintza Aitari ta
aintza Semeari,
aintza bera bien
Espirituari. Amen.
1 Ant. Kimu
barri bat sortuko da Jeseren zuhaitz-ondotik, muskil barri bat loratuko haren
zanetik. Haren ganean Jaunaren Espiritua lekutuko da. (Alleluia).
112 Salmoa
Jaunaren morroiak, goretsi eizue,
Jaunaren izena goretsi eizue.
Jaunaren izena
bedeinkatua izan bedi,
orain eta gizaldiz gizaldi.
Eguzkia sortu-lekutik sartzen danera,
goretsia izan bedi Jaunaren izena.
Jauna garai dago herri guztien aldean,
Haren ospea ortziaren ganean.
Nor da Jauna,
gure Jainkoa, hainakorik?
Goian jesarrita dago;
eta begia jaitsiten dau
zeru eta lurreraino.
Jasoten dau dohakabea hautsetatik,
ataraten behartsua sats artetik;
jesarriazo daian nagusiekin,
bere herriaren nagusiekin.
Agor zana biziazoten dau etxean,
seme-alaben ama eginik pozetan.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Kimu
barri bat sortuko da Jeseren zuhaitz-ondotik, muskil barri bat loratuko haren
zanetik. Haren ganean Jaunaren Espiritua lekutuko da. (Alleluia).
2 Ant. Jaunak
bere aita Dabiden errege-aulkia emongo deutso, eta errege izango da beti.
(Alleluia).
147 Salmoa
Jerusalem,
ospatu eizu Jauna,
Sion, goretsi eizu zure Jainkoa.
Zure ateen sarrailak
—indartu
ditu-ta,
—zure
seme-alabak zure barruan
—bedeinkatu
ditu.
Zure mugetan bakea ezarri dau-ta,
—gari-maminez
asetu zaitu.
Bialtzen dau
lurrera bere berbea,
eta Haren hitza bizkor eta arin doa.
Emoten dau edurra ardi-ulea lez,
zabaltzen dau antzigarra
hautsa lez.
Ogi-apurraren
antzera
—jaurtitzen dau
bere izotza:
—Nork jasan
daike haren hotza?
Bialtzen dau bere hitza,
—eta harekin
urtu egiten dira,
—bere haizeari
eraginez
—urak isurika
doaz.
Iragarri
deutso bere hitza Jakobi,
—bere erabagi
eta aginduak Israeli.
Ez deutso egin holakorik beste herriri,
—bere aginduak
—ez deutsoz
agertu beste inori.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Jaunak
bere aita Dabiden errege-aulkia emongo deutso, eta errege izango da beti.
(Alleluia).
3 Ant. Aitak
betidanik sortua dauan Jainkoaren Hitza, bereaz hustu egin zan, gaur geugaitik
gizon eginez. (Alleluia).
Kantika: Flp 2,6-11
Kristo Jesusek, Jainkoaren izaera
bereko izanik,
ez eutson gogor eutsi
Jainkoarekin bardin izateari;
bestetara, baino, bereaz hustu egin zan,
morroi-izaera hartuz,
eta beste edozein lez azalduz.
Eta gizon lez agerturik,
apaldu egin eban bere burua,
menpeko eginez heriotzaraino,
kurutzeko heriotzaraino.
Horregaitik Jainkoak goratu egin eban,
eta izen guztien gaineko izena
emon eutson,
Jesusen izenera
belaun guztiak makurtu daitezan,
zeruan, lurrean eta lurpean,
eta mihin guztik autortu daian:
Jesu Kristo Jauna da,
Aita Jainkoaren aintzarako.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Aitak betidanik sortua dauan Jainkoaren Hitza, bereaz hustu
egin zan, gaur geugaitik gizon eginez. (Alleluia).
Jainkoaren hitza
Kol 3, 23-24
Hasieratik zana, geuk entzun doguna, eta
geure begiz ikusi doguna, guk begiratu genduana, eta geure eskuek ikutu ebena, hau
da, biziaren Hitza, autortzen deutsuegu eta iragarten —agertu egin zan-eta bizia,
eta guk ikusi egin dogu bizi hori; Aitagan zan eta geuri azaldu jakun—.
Galderantzuna
Garizuman
V/. Sortu da Jeseren kimu barria, * urten dau
Jakoben izarrak.
R/. Sortu da Jeseren kimu barria, * urten dau Jakoben
izarrak.
V/. Birjinak Salbatzailea sortu dau.
R/. Urten dau Jakoben izarrak.
V/. Aintza Aitari eta Semeari eta Espiritu Santuari.
R/. Sortu da Jeseren kimu barria, * urten
dau Jakoben izarrak.
Pazkoaldian
V/. Sortu da Jeseren kimu barria, urten dau Jakoben
izarrak. * Alleluia, alleluia.
R/. Sortu da Jeseren kimu barria, urten dau Jakoben
izarrak. * Alleluia, alleluia.
V/. Birjinak Salbatzailea sortu dau.
R/. Urten dau Jakoben izarrak.
V/. Aintza Aitari eta Semeari eta Espiritu Santuari.
R/. Sortu da Jeseren kimu barria, urten
dau Jakoben izarrak. * Alleluia, alleluia.
Magn. ant. Espiritu Santua jatsiko da zugana,
Maria, eta Goi-goikoaren indarrak bere gerizpean hartuko zaitu (Alleluia).
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Espiritu
Santua jatsiko da zugana, Maria, eta Goi-goikoaren indarrak bere gerizpean hartuko
zaitu (Alleluia).
Eskariak
Egin deiogun otoitz uste osoz Aita
betikoari, gaur gure salbamena Mariari iragarri eutson-eta aingeruaren
bitartez, eta esan deiogun:
Emoiguzu
ugari, Jauna, zure grazia.
—Maria Birjina aukeratu zenduan zure Semearen ama izateko: * erruki zakiez
erospenaren zain dagozanei.
—Gabrielen ahoz Mariari bakea eta poza
iragarri zeutsazan: * emon munduari osasunaren poza eta egiazko bakea.
—Maria zure mirabearen baietzaz eta
Espiritu Santuaren eraginez, zure Hitza gure bizilagun egin zenduan: * prestau
eizuz gure bihotzak, Kristo hartu daigun Maria Birjinak hartu eban eran.
—Apalak onez eta behartsuak ondasunez
beteten dozuz, Jauna: * lur-joei emon indar, beharrean dagozanei luzatu
eskua, eta lagundu hil-zorian dagozanei.
—Jauna, Zuk guztia daikezu eta Zeuk baino
ez dozuz egiten mirariak: * salbau gaizuz gu, hilak biztuko dozuzan egunean.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jauna,
zure Hitza Maria Birjinaren Sabelean gizon egitea nahi izan zendun; egizu, gure
Salbatzailea Jainko eta gizon dala autortzen dogunok, Haren antzeko izan gaitezala
jainkotasunean. Zurekin eta Espiritu
Santuarekin batean Jainko eta errege bizi da-eta gizaldi eta gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
