Irailaren 14
I. BEZPERAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Alleluia.
Goratzarrea
HOR JAUNAREN EZAUGARRI
Hor Jaunaren ezaugarri,
hor gurutzea dirdaidun
bizia denak, hor hillik,
bizi berri eman zigun.
Guk egin-hobenen ziztak
bihotza zion agertu,
hoben hauek garbitzeko
ur-odola isuri du.
Errege-jantzi gorriaz
ederturiko zuhaitza,
gorputz santu hau hartzeko
zuhaitz guztietan hauta.
Dohatsu zu, besoetan
bait duzu gure Bizia;
infernuari diozu
kendu bere dun saria.
Gurutze, zu poz bakarra,
Pasio-aldi honetan,
gehitu zintzoen grazia
gaitza kendu gaiztoengan.
1 Ant. Kurutzean
hil zana biztu egin zan hilen artetik, eta ber-erosi egin gaitu, alleluia.
146 Salmoa
146 Salmoa
Goretsi eizue Jauna,
ona da-ta gure Jainkoari eresi egitea,
gozoa, Hari dagokion gorespena emotea.
Jerusalem Jaunak eraikitzen dau,
Israeldik banatuak batzen ditu.
Bihotz-urratuak Berak osatzen,
eta hareen zauriak lotzen.
Izarrak bat-banaka ditu zenbatzen,
bakotxa bere izenez izendatzen.
Handi da gure Jainkoa, indarrez indartsu,
Harek dakienak neurririk ez dau.
Jaunak umilak altxatzen ditu,
gaiztoak lurrera jaurtitzen ditu.
Kantatu eiozue eskerrak emonez
Jaunari,
kitaraz egin eresi gure Jainkoari.
Berak estaltzen dau-ta hodeiez ortzia,
emoten deutso lurrari euria.
Harek larrea ataratzen dau
mendietan,
gizakiarentzako landarea.
Berak emoten deutse jana abereei,
eske jagokozan belakumeei.
Ez dau aintzat hartzen zaldiaren
indarra,
ez dau gogoko giza-belaunaren azkarra.
Gogoko ditu Jaunak bildur deutsoenak,
Haren ontasunean itxaron dabenak.
Aintza Aitari eta Semeari
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Kurutzean
hil zana biztu egin zan hilen artetik, eta ber-erosi egin gaitu, alleluia.
2 Ant. Jerusalem
uriaren erdian dago Biziaren zuhaitza, eta haren orriak herrialdeen osagarri
dira, alleluia.
147 Salmoa
Jerusalem,
ospatu eizu Jauna,
Sion, goretsi eizu zure Jainkoa.
Zure ateen sarrailak
—indartu ditu-ta,
—zure seme-alabak zure barruan
—bedeinkatu ditu.
Zure mugetan bakea ezarri dau-ta,
—gari-maminez asetu zaitu.
Bialtzen
dau lurrera bere berbea,
eta Haren hitza bizkor eta arin doa.
Emoten dau edurra ardi-ulea lez,
zabaltzen dau antzigarra
hautsa lez.
Ogi-apurraren
antzera
—jaurtitzen dau bere izotza:
—Nork jasan daike haren hotza?
Bialtzen dau bere hitza,
—eta harekin urtu egiten dira,
—bere haizeari eraginez
—urak isurika doaz.
Iragarri
deutso bere hitza Jakobi,
—bere erabagi eta aginduak Israeli.
Ez deutso egin holakorik beste herriri,
—bere aginduak
—ez deutsoz agertu beste inori.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Jerusalem
uriaren erdian dago Biziaren zuhaitza, eta haren orriak herrialdeen osagarri
dira, alleluia.
3 Ant. Guk, Jesu Kristo gure
Jaunaren kurutzean behar dogu harrotu.
Kantika: Flp 2,6-11
Kristo Jesusek, Jainkoaren izaera
bereko izanik,
ez eutson gogor eutsi
Jainkoarekin bardin izateari;
bestetara, baino, bereaz hustu egin zan,
morroi-izaera hartuz,
eta beste edozein lez azalduz.
Eta gizon lez agerturik,
apaldu egin eban bere burua,
menpeko eginez heriotzaraino,
kurutzeko heriotzaraino.
Horregaitik Jainkoak goratu egin eban,
eta izen guztien gaineko izena
emon eutson,
Jesusen izenera
belaun guztiak makurtu daitezan,
zeruan, lurrean eta lurpean,
eta mihin guztik autortu daian:
Jesu Kristo Jauna da,
Aita Jainkoaren aintzarako.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Guk, Jesu Kristo gure
Jaunaren kurutzean behar dogu harrotu.
Jainkoaren hitza
1 Kor 1, 23-24
Guk, Jesu Kristo kurutzean josia erakusten
dogu, judutarrentzat oztopo deaa eta greziarrentzat zorakeria; eta
deituenentzat —nahiz judutar izan, nahiz greziar izan— Jainkoaren indar eta Jainkoaren
jakituria dan Kristo.
Galderantzuna
V/. Kurutzearen
ezaugarri hau agertuko da zeruan * Jauna epaitzera datorrenean.
R/. Kurutzearen
ezaugarri hau agertuko da zeruan * Jauna epaitzera datorrenean.
V/. Jaso
zuen buruak: zuen askatasunak hurreratzen dihardu-ta.
R/. Jauna
epaitzera datorrenean.
V/. Aintza
Aitari eta Semeari eta Espiritu Santuari.
R/. Kurutzearen
ezaugarri hau agertuko da zeruan * Jauna epaitzera datorrenean.
Magn. ant. Beharrezkoa zan
Mesiasek nekaldia jasatea eta hilen artetik biztutzea; holan sartu behar eban
bere aintzan.
Lk 1,
46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Beharrezkoa zan
Mesiasek nekaldia jasatea eta hilen artetik biztutzea; holan sartu behar eban
bere aintzan.
Eskariak
Uste
osoz egin deiogun otoitz bere kurutzearen bitartez erosi ginduzan gure
Salbatzaileari, esanez:
Zure kurutzearen bitartez salbau
gaizuz, Jauna.
—Kristo,
morroi-izaera hartuz gizakion antzera, zeure burua ezereztu zenduan: * egizu,
zure eleizan diran guztiak, zure apaltasunaz jantzi daitezala.
—Kristo,
heriotzaraino eta kurutzeko heriotzaraino menpeko eginez, zeure burua apaldu
egin zenduan: * egin gaizuz zure zerbitzari esaneko eta eroankor.
—Kristo,
Jainkoak goratu zaitu eta izen guztien ganetik dagoan izena emon deutsu: * emoiezu
Zugan sinisten dabenei, heriotzaraino irautea fedean.
—Kristo,
zure izenera, belaun guztiak makurtzen dira zeruan, lurrean eta lurpean: * isuri
eizu maitasuna giza-bihotzetan bakean gurtu zaiezan.
—Kristo,
mihin guztiek Jauna autortuko zaitue Aita Jainkoaren aintzarako: * hartu
eizuz hildako gure senide guztiak zorionaren erreinuan.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko
Jauna, gizaki guztiak zure Semearen kurutzeko heriotzeak salbatzea gura izan dozu:
egizu, misterio hori mundu honetan ezagutu dogunok, erosperanaren frutua
jadetsi daigula zeruan. Zure Seme
Jesu Kristo gure Jaunaren bitartez, Zurekin eta Espiritu Santuarekin batean
Jainko eta errege bizi da-eta gizaldi eta gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
