Agorrilaren 29
BEZPERAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Alleluia.
Goratzarrea
NOR DIRA ETA NONDIK DATOZ?
Nor dira eta / nondik datoz,
zuriz jantzirik / ditugunok?
Jantzi ederrez, / palma-adarrez /
datozenok
egonak dira / oinaze-neke / saminetan.
Soin ta soineko / xahutu dituzte / ta apaindu
Jainko-Bildotsak / isuri-odol / oparotan.
Nor dira eta / nondik datoz,
zuriz jantzirik / ditugunok?
Gose zirenok / ez dira inoiz /
gosetuko,
egarri izanok / ez dute izango / egarririk.
Ur biziz ditu / Jainko-Bildotsak / ase-bete,
Kristogan hilik / Kristogan daude / berpizturik.
Nor dira eta / nondik datoz,
zuriz jantzirik / ditugunok?
Negar-herritik / iritxi dira /
poz-lekura,
martiritzatik / atsedenera / dira heldu.
Bere eskuz die / Jaunak txukatzen / malko oro,
Kristo ikusteak / egiten ditu / zoriontsu.
Nor dira eta / nondik datoz,
zuriz jantzirik / ditugunok?
Salmoak
1 Ant. Ez
izan inoren bildurrik, Ni zeugaz izango nozu —dino Jaunak—.
114 Salmoa
Maite dot
Jauna, entzun dau-ta
nire eskariaren oihartzuna.
Bihurtu dau-ta nigana belarria,
dei egin deutsadan egunean.
Heriotza-lokarriek
inguratu ninduen,
Lezako hedeak ganeratu jatazan,
nahigabe ta larrialdian jausi
nintzan.
Deitu neban Jaunaren izena:
«Atara naizu bizirik, Jauna».
Onbera da
Jauna ta zintzoa,
errukitsua gure Jainkoa.
Jaunak gizajoak zaintzen ditu,
dohakabe nintzan
eta salbau nindun.
Ene gogoa,
bihurtu zaitez atsedenera,
Jaunak onez bete zaitu-ta.
Atara dau-ta nire bizia heriotzatik,
begiok malkotik, oinok jaustetik.
Ibiliko naz
Jaunaren aurrean,
bizien lurrean.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Ez
izan inoren bildurrik, Ni zeugaz izango nozu —dino Jaunak—.
2 Ant. Herodesek
zaintzaile bat bialdu eban eta Joanen burua ekarteko agindu eutson.
115 Salmoa
«Ni bai
dohakabe» ninoan arren,
baneukan itxaropen.
Hauxe esan neban nire larrialdian:
«Gizaki guztiak dira guzurtiak».
Zer bihurtuko
deutsat Jaunari,
emon deustazan guztiekaitik?
Salbazino-edontzia dot hartuko,
eta Jaunaren izena deituko.
Emongo
deutsadaz Jaunari
zin egindakoak,
herri guztia begira dagoala.
Jaunaren
begietan balio handikoa
Haren zintzoen heriotza.
Zure morroi nozu ni, Jauna,
zure morroi eta
zure neskamearen semea,
askatu dozuz nire kateak.
Eskeiniko
deutsut gorets-oparia,
deituko dot, Jauna, zure izena.
Emongo deutsadaz Jaunari
zin egindakoak,
herri guztia begira dagoala.
Jaunaren etxeko atarian,
Jerusalem, zure erdian.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Herodesek
zaintzaile bat bialdu eban eta Joanen burua ekarteko agindu eutson.
3 Ant. Etorri
ziran Joanen ikasleak haren gorpuaren bila, eta hilobi baten ehortzi eben.
Kantika: Apk
4, 11; 5, 9-10. 12
Aintza, ospea
ta agintaritza
hartzeko bazara nor,
Jauna, gure Jainkoa;
Zeuk eginak dira-ta diran guztiak,
zure gura-izatez dira eginak.
Liburua
hartzeko eta siluak urratzeko
bazara nor,
hila izan zara-ta,
eta zure odolaz erosi dituzu
Jainkoarentzat gizakiak,
leinu eta hizkuntza,
herri eta enda guztietakoak;
eta
abade-erreinu egin dituzu
gure Jainkoarentzat,
eta errege izango dira lurrean.
Indarra ta
aberastasuna,
jakituria ta ahalmena,
ospea, aintza ta gorespena
hartzeko bada nor
hila izan dan Bildotsa.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Etorri
ziran Joanen ikasleak haren gorpuaren bila, eta hilobi baten ehortzi eben.
Jainkoaren hitza
ApEg 13, 23-25
Berbea emonda eukanez, Dabiden hazitik
atara eutson Jainkoak Israeli Salbatzailea, Jesus. Berau etorri baino lehen,
Joanek bihotz-berritzeko bateoa iragarri eutson Israel herri osoari. Eta bere
bizia amaitzera joanean, hauxe inoan Joanek: «Ez naz ni, zuek uste dozuena;
badator nire ondoren beste bat, eta ni ez naz inor Haren oinetakoak askatzeko
ere».
Galderantzuna
V/. Senarraren
adiskidea pozarren dago * haren berbeteaz.
R/. Senarraren
adiskidea pozarren dago * haren berbeteaz.
V/. Nire
poz hori heldu da bere betera.
R/. Haren
berbeteaz.
V/.
Aintza Aitari eta Semeari eta Espiritu Santuari.
R/. Senarraren
adiskidea pozarren dago * haren berbeteaz.
Magn. ant. Ez naz ni Kristo, Haren aurretik bialdua naz ni. Berak
handitu behar dau; nik, barriz, txikitu.
Lk 1,
46-55
Handiesten dau
nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu
deituko nabe gaurtik gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren
indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Ez
naz ni Kristo, Haren aurretik bialdua naz ni. Berak handitu behar dau; nik, barriz,
txikitu.
Eskariak
Etortekoa zan Kristoren erreinua
gizakiei adierazteko Joan Bataiatzailea aukeratu eban Jainkoari pozez egin
deiogun dei, esanez:
Zuzendu eizuz,
Jauna, gure oinok bake-bidean.
—Zure Semearen bideak prestatzeko, Joan bere amaren sabeletik deitu zenduan; * eiguzu
dei, Jauna, jarraitu deizugun, ha zure aurretik ibili zan lez.
—Joan Bateatzaileari Jainkoaren Bildotsa ezagutzeko bidea emon zeutson lez,
egizu erakutsi daiala Ha bere Eleizeak, * eta gaurko gizakiek ezagutu daiela.
—Joan jatsitea eta Kristok igotea erabagi zendun Jauna, * irakatsi eiguzu
besteei amore emoten, Zu agertu zaitezan.
—Jauna, Zuk nahi izan zendun, Joanek zuzentasunaren alde lan egitea
odol-isurteraino; * egin gaizuz zure egiaren testigu eta lekuko.
—Gogoan izan, mundu honetatik joan diran guztiak; * hartu eizuz argi ta
bake-lekuan.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko Jauna, Zuk halan nahirik, San
Joan Bateatzailea izan zan zure Semearen aurrelari, bai jaiotzan, bai heriotzan;
iguzu, harek egiaren eta zuzentasunaren alde bere bizia emon eban lez, geuk be
Ebanjelioaren alde gogor lan egin daigula. Zure Seme Jesu Kristo gure Jaunaren bitartez, Zurekin eta Espiritu Santuarekin
batean Jainko eta errege bizi da-eta gizaldi eta gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
