Agorrilaren 06
I. BEZPERAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Alleluia.
Goratzarrea
ZABAL, OTOI, JAUNA
Zabal, otoi, Jauna, / nire
begiak,
ikus ditzaten
zure bihotzaren / miragarriak.
Bide-bazterrean / bait nago itsu,
senda nazazu:
Zu, nere Jauna, Zu / ikus zaitzadan.
Zabal, otoi, Jauna, / nire eskuak:
Beude zabalik,
ta piztu bitzate / bihotz ahulduak.
Gaitz guztien gaindi, / noan
Zurekin;
har ni eskutik,
gurutzera ere / joan ahal nadin.
Zabal, otoi, Jauna, / nire bihotza,
entzun dezadan,
behartsuen deian, / Kristoren boza.
Askorentzat, Jauna, / Zu hila
zaude;
egon nirekin;
inoiz gal ez nadin / pitz nigan fede.
Salmoak
1
Ant. Hartu
ebazan Jesusek Beragaz bere ikasleak, eta mendi goi batera igon eban, eta hareen
aurrean antz-aldatu egin zan.
112 Salmoa
Jaunaren
morroiak, goretsi eizue,
Jaunaren izena goretsi eizue.
Jaunaren izena
bedeinkatua izan bedi,
orain eta gizaldiz gizaldi.
Eguzkia sortu-lekutik sartzen danera,
goretsia izan bedi Jaunaren izena.
Jauna garai
dago herri guztien aldean,
Haren ospea ortziaren ganean.
Nor da Jauna,
gure Jainkoa, hainakorik?
Goian jesarrita dago;
eta begia jaitsiten dau
zeru eta lurreraino.
Jasoten dau
dohakabea hautsetatik,
ataraten behartsua sats artetik;
jesarriazo daian nagusiekin,
bere herriaren nagusiekin.
Agor zana biziazoten dau etxean,
seme-alaben ama eginik pozetan.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant.
Hartu
ebazan Jesusek Beragaz bere ikasleak, eta mendi goi batera igon eban, eta hareen
aurrean antz-aldatu egin zan.
2
Ant. Moises
eta Elias agertu jakezan, Jesusegaz berbetan.
116 Salmoa
Goretsi eizue
Jauna, atzerri guztiak,
goraldu eizue, herri guztiak.
Sendotu daualako gugan bere maitasuna,
eta beti-betiko dago Haren leialtasuna.
Aintza Aitari
eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Moises
eta Elias agertu jakezan, Jesusegaz berbetan.
3
Ant. Jauna,
bai ederto gagozala hemen! Ggura badozu, hiru txabola egingo ditut: bata Zeuretzat,
bestea Moisesentzat, eta bestea Eliasentzat.
Kantika (Ikus Apk 19,
1-7)
Alleluia.
Salbamena, aintza ta indarra gure Jainkoarenak:
Haren epaiak egiazkoak eta zuzenak
R/. Alleluia.
Alleluia.
Goretsi eizue gure Jainkoa Haren morroi guztiok,
txiki eta handi, Haren bildur zarienok.
R/. Alleluia.
Alleluia.
Errege izaten hasia da-ta Jauna,
gure Jainko aalguztiduna.
R/. Alleluia.
Alleluia.
Poztu gaitezan eta alaitu,
Bera daigun goratu.
R/. Alleluia.
Alleluia.
Heldu dira-ta bildotsaren ezteguak:
horra apaindurik Haren emaztegaia.
R/. Alleluia.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant.
Jauna,
bai ederto gagozala hemen! Ggura badozu, hiru txabola egingo ditut: bata Zeuretzat,
bestea Moisesentzat, eta bestea Eliasentzat.
Jainkoaren hitza
Flp 3, 20-21
Guk zeruan dogu gure herria; eta,
itxaron, handixik itxaroten dogu Salbatzailea, Jesu Kristo gure Jauna. Berak
aldatuko dau gure gorputz ezerez hau, bere gorputz aintzatsuaren antzeko eginez,
gauza guztiak menperatzeko dauan indarrez.
Galderantzuna
V/. Distiratsu
agertu zara Jainkoaren aurrean. * Alleluia, alleluia.
R/. Distiratsu
agertu zara Jainkoaren aurrean. * Alleluia, alleluia.
V/. Jainkoak
horrexegatik jantzi zaitu edertasunez.
R/. Alleluia,
alleluia.
V/.
Aintza Aitari eta Semeari eta Espiritu Santuari.
R/. Distiratsu
agertu zara Jainkoaren aurrean. * Alleluia, alleluia.
Magn. ant. Kristo Jesus, Aitaren aintzaren
argi distiratsu, eta Haren izatearen irudi da. Berak eusten deutse gauza
guztiei bere berba indartsuz. Eta pekatuen garbikuntza egin ondoren, bere
aintza agertu dau gaur mendi baten gailurrean.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Kristo Jesus, Aitaren aintzaren argi distiratsu, eta Haren
izatearen irudi da. Berak eusten deutse gauza guztiei bere berba indartsuz. Eta
pekatuen garbikuntza egin ondoren, bere aintza agertu dau gaur mendi baten
gailurrean.
Eskariak
Mendian ikasleen aurrean arrigarriro
antz-aldatu zen gure Salbatzaileari uste osoz eska dezaiogun:
Gure
Jainko, argitu eizuz gure ilunpeak.
—Kristo,
Zure biztuerea iragarri zeutsen antz-aldatuta zure ikasleei nekaldi-aurretik;
munduko nekeetan parte dauan zure Eleizearen alde eskatzen deutsugu: * nekeetan
zure garaipenaren pozez antz-aldatu daitela.
—Kristo,
Pedro, Santiago eta Joan, Zeugaz hartu eta mendi batera eroan zenduzan; gure
Aita Santu I…ren eta gotzainen alde eskatzen deutsugu: * zure herriari zerbidu
deioela biztuerako itxaropenean.
—Kristo,
Moisesen eta Eliasen aurrean zure aurpegia distiratzen jarri zenduan; antxinatik
Zeuretzat aukeratu zenduan judutar-herriaren alde eskatzen deutsugu: * salbazino
osora heldu daitela.
—Kristo,
Egilearen aintzak inguratu zinduzanean, lurra argitu egin zenduan; gogo oneko
gizaki guztien alde eskatzen deutsugu: * zeure argitan ibili daitezala.
—Kristo,
gure gorputz ezerez hau aldatuko dozu eta zeure gorputz argi-argiaren antzeko
bihurtuko; hildako gure senideen alde eskatzen deitsugu: * zure aintzan sartu
daitezala.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Jainko
Jauna, zure Semearen Antz-aldatzean, Moises eta Elias testigu zirala, fedeko
misterioak sendotu zenduzan, eta zure seme egingo ginduzuzala harrigarriro jakinazo;
egizu, zeure Seme maitearen hitza entzun daigula, Harekin zeruko zorionean parte
izan daigun. Zure Seme Jesu Kristo
gure Jaunaren bitartez, Zurekin eta Espiritu Santuarekin batean Jainko eta
errege bizi da-ta gizaldi ta gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
