Zemendiaren 2
BEZPERAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen. Alleluia.
Goratzarrea
Hautsi zenuen /
infernuetan / den indarra:
Haren menpetik /
Zuk, otoi, Jauna, / gu atera.
Zu zeralako / jaitsi zena
ilunpetako / hilengana.
Hildakoek han /
Zugandik hartu / zuten argi;
haien aurrean /
agertu zinen / ikusgarri.
Guztiak Zuri /
goraka ziren / oihuz ari:
etorri zera, / Salbatzailea. /
Agur Zuri!
Hildakoek han /
Zugandik hartu / zuten argi;
haien aurrean /
agertu zinen / ikusgarri.
Beti betiko / zoriona
gure hileri / eman, Jauna.
Betiko argi / zabalean
zure argiak / argi ditzan
Zu zeralako / jaitsi zena
ilunpetako / hilengana.
Hildakoek han /
Zugandik hartu / zuten argi;
haien aurrean /
agertu zinen / ikusgarri.
Salmoak
1
Ant. Jaunak zaintzen zaitu gatx guztietatik, Berak zaindu daiala
zure bizia heriotzatik.
120 Salmoa
Begiok
mendietara jasotzen nik:
laguntza niri nondik?
Jaunagandik nire laguntza,
Harek zeru-lurrak egin ditu-ta.
Ez deutsu oina
kolokan itziko,
zure zaintzaileak
ez dau lo-kukurik egingo.
Israel zaintzen dagoana,
ez dau lo-kukuak hartuko, ez loak.
Jauna da zure
zaintzaile,
Jauna dozu eskoi-aldetik gerizpe.
Ez zaitu joko egunez eguzkiak,
ez eta gauez ere ilargiak.
Jaunak jagongo
zaitu gatx guztitik,
zainduko zure bizia heriotzatik,
Zure sartu-urtenak
Jaunak zainduko ditu,
oraindixik betiko.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Jaunak
zaintzen zaitu gatx guztietatik, Berak zaindu daiala zure bizia heriotzatik.
2
Ant. Gure
erruak gogoan badaukazuz, nor dagoke zutunik, Jauna?
129 Salmoa
Barru-barrutik
dagizut oiu Zuri, Jauna,
entzun, Jauna, nire berbaroa.
Begoz erne zure belarriak,
nire oihu eskarira.
Gure erruak
gogoan badaukazuz, Jauna,
nor dagoke zutunik, Jauna?
Baina parkamena Zeugan daukazu,
Zu begirunez zerbidu zaiguzan.
Jaunagan
itxaroten nago,
nere barrua
Haren hitzaren zain dago.
Gau-mutila goiz argiaren zain dago:
nire gogoa Jaunaren zainago.
Gau-mutila
goiz argiaren zain dago:
halantxe bego Israel Jaunaren zain.
Jaunagan dago-ta errukia,
Harengan askatasun ugaria;
Berak itziko dau Israel askaturik
egin dauzan hoben guztietatik.
Aintza Aitari
eta Semeari
eta Espiritu Santuari.
Lehen lez orain eta beti
eta amaibako egunetan. Amen.
Ant. Gure
erruak gogoan badaukazuz, nor dagoke zutunik, Jauna?
3 Ant. Aitak, hilak biztu eta biziazoten dauzan lez, era
bardinean Semeak ere biziazoten ditu gura dauzanak.
Kantika: Flp 2,6-11
Kristo
Jesusek, Jainkoaren izaera
bereko izanik,
ez eutson gogor eutsi
Jainkoarekin bardin izateari;
bestetara, baino, bereaz hustu egin zan,
morroi-izaera hartuz,
eta beste edozein lez azalduz.
Eta gizon lez
agerturik,
apaldu egin eban bere burua,
menpeko eginez heriotzaraino,
kurutzeko heriotzaraino.
Horregaitik
Jainkoak goratu egin eban,
eta izen guztien gaineko izena
emon eutson,
Jesusen izenera
belaun guztiak makurtu daitezan,
zeruan, lurrean eta lurpean,
eta mihin guztik autortu daian:
Jesu Kristo Jauna da,
Aita Jainkoaren aintzarako.
Aintza
Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Zure odolaz erosi gaituzu, Jainko Jauna, leinu
eta hizkuntza, herri eta enda guztietatik; eta erreinu egin gaituzu gure
Jainkoarentzat.
Jainkoaren hitza
1 Kor 15, 55-57
Non da zure garaipena, heriotza? Non da zure eztena, heriotza?
Heriotzaren eztena pekatua da; eta pekatuaren indarra, Legea. Eskerrak Jainkoari,
garaipena emoten deuskulako Jesu Kristo gure Jaunaren bitartez!
Galderantzuna
V/. Zeugana
batzen naz, Jauna, * ez naitela behin ere lotsatu.
R/. Zeugana
batzen naz, Jauna, * ez naitela behin ere lotsatu.
V/. Jaunak
bere oinorde hautatu zaitue.
R/. Ez
naitela behin ere lotsatu.
V/. Aintza
Aitari eta Semeari eta Espiritu Santuari.
R/. Zeugana
batzen naz, Jauna, * ez naitela behin ere lotsatu.
Magn. ant. Aitak emoten deustan guztia, Neugana
etorriko da; eta Nigana datorrena ez dot kanpora botako.
Lk 1, 46-55
Handiesten dau nire arimak Jauna,
pozaren pozez daukat nire barrua;
Jainkoa da-ta nire salbamena,
ikusi dau-ta mirabe honen ezereztasuna.
Dohatsu deituko nabe gaurtik
gizaldi guztiek,
handiak egin deustaz-eta Ahalguztidunak:
Santua da Haren izena,
eta Haren errukia, gizaldiz-gizaldi †
bildur deutsoenengana.
Bere besoaren indarra erabili dau,
buru harroak triskatu dauz;
bota dauz euren aulkitik handikiak,
eta gora jaso dauz ezerezak;
ondasunez bete dauz gosez egozanak
eta esku hutsik bialdu asko eukenak.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Aitak
emoten deustan guztia, Neugana etorriko da; eta Nigana datorrena ez dot kanpora
botako.
Eskariak
Badakigu, Jesu Kristo
Jaunak gure gorputz ezerez hau aldatu eta bere gorputz aintzatsuaren antzeko
egingo dauala; dei egin deiogun, ba, esanez:
Zeu zara,
Jauna, gure bizia eta biztuera.
—Kristo, Jainko biziaren Seme, Lazaro zure adiskidea biztu egin zenduan hilen
artetik: * biztu eizuz betiko bizitzarako eta aintzarako, zure odol baliotsuaz
erosi zenduzan hildakoak.
—Kristo, nahigabetuen poz-emoile, Lazaroren,
Naingo mutil gaztearen, eta Jairoren alabaren heriotzan, poztu egin zenduzan
negarrez egozanak: *poztu eizuz orain, hildakoekaitik nahigabetan dagozan
guztiak.
—Kristo gure Salbatzaile, suntsitu eizu gure
gorputz hilkor honetan, pekatuaren nagusitza; * eta egizu, pekatuaren sari heriotza
irabazi genduanok, betiko bizitza jadetsi
daigula Zugan.
—Kristo Salbatzaile, begitu errukitsu, Zu
ezagutu barik itxaropenik ez dabenei; * eta emoiezu, berbiztean eta betiko
bizitzan sinistea.
—Itsuari, ikusmena emonez, Zu ikusteko
zoriona emon zeutsan: * agertu zakiez, Zu oraindik ikusten ez zaituen hildakoei.
—Mundu honetako haragizko gure bizilekua,
azkenean, lur-joten lagaten dozun Jauna, * emoiguzu zeruan eskuz egindakoa ez dan
betiko etxea.
Gure Aita zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Bihotz
onez entzun, Jauna, gure eskariak, eta sendoago egizu, arren, zure Seme hilen
artetik biztuagan dogun fedea, gure senide hilak biztuko diran itxaropena ere sendoagoa
izan daiten. Zure Seme Jesu Kristo gure
Jaunaren bitartez, Zurekin eta Espiritu Santuarekin batean Jainko eta errege
bizi da-eta gizaldi eta gizaldietan.
Amaierea
V/. Jauna
zuekin.
R/. Eta
zure Espirituarekin
V/. Bedeinkatu
zaizela Jainko ahalguztidunak:
Aitak eta Semeak eta Espiritu Santuak.
R/. Amen.
V/. Zoaze
Jaunaren bakean.
R/. Eskerrak
Jainkoari.
